Осы арқылы «Қазақстандық Тұрғын үй Компаниясы» АҚ-ы сатып алу процесінің ашықтығы мен жариялылығын арттыру, жетілдіру мақсатында сатып алуды өткізудің электрондық форматына көшкенін мүдделі тұлғалардың назарына жеткізеді. «Бәйтерек» ҰБХ» АҚ-ның компаниялар тобының барлық сатып алулары Қазақстан Республикасы Қаржы министрінің 30.11.2021 ж. №1253 бұйрығымен бекітілген Тауарларды, жұмыстарды, көрсетілетін қызметтерді сатып алуды жүзеге асыру қағидаларына сәйкес Еуразиялық электрондық порталында мына мекенжай бойынша жүргізіледі: https://eep.mitwork.kz, өткізілген сатып алу қорытындылары Еуразиялық электрондық порталда да орналастырылады. Мүдделі әлеуетті өнім берушілер осы порталда тіркеуден өтіп, жоспарды, құжаттамаларды жүктеп таныса алады және өткізілетін сатып алуларға қатыса алады.

Сонымен қатар, өткізілген сатып алу қорытындылары бойынша тапсырыс берушілер электрондық форматта сатып алу туралы шарттар жасасады, ол үшін өнім берушілер (жеңімпаздар) көрсетілген порталда орналастырылған тіркеу деректерін, оның ішінде банк деректемелерін тексеруі қажет.