Әлеуметтік желілердің күнделікті мониторингі соңғы уақытта «JM City» ТК объектісі – Астана қаласы, «Есіл» ауданы, Тұран және Қабанбай батыр даңғылдарының қиылысы мекенжайы бойынша салынған үй-жайлары мен паркингі бар көп пәтерлі тұрғын үй кешеніне байланысты жағдай төңірегінде жалған ақпарат тарату жағдайлары жиілеп кеткенін көрсетті.

Осы орайда «Қазақстан Тұрғын үй Компаниясы» АҚ азаматтарды тек ресми деректерге сенуге және жалған ақпарат таратпауға шақырады.

«Тұрғын үй құрылысына үлестік қатысу туралы» Қазақстан Республикасы Заңының (бұдан әрі – Заң) 8-бабының 5-тармағына сәйкес Қазақстан Тұрғын үй Компаниясы (бұдан әрі – Бірыңғай оператор), «Каспий Құрылыс ЛТД» ЖШС (бұдан әрі – Құрылыс салушы) және «Garant Investment» ЖШС (бұдан әрі – Уәкілетті компания) арасында 2024 жылғы 3 қаңтарда құрылысты аяқтау мерзімімен 2021 жылғы 18 қарашадағы кепілдік беру туралы шарты жасалды.

Кепілді жағдайдың басталу фактісі анықталған жағдайда, Бірыңғай оператор үш жұмыс күні ішінде Заңның 37-бабының 3-тармағына сәйкес кепілдік жағдайын тану туралы шешім қабылдайды.

Осы арқылы жоғарыда көрсетілген объект бойынша кепілдік жағдайы туындаған жағдайда, «Қазақстан Тұрғын үй Компаниясы» АҚ-да объектінің құрылысын қайта бастау және тезірек аяқтау үшін қажетті қаражат жеткілікті көлемде бар екенін ресми мәлімдейміз.

«Қазақстан Тұрғын үй Компаниясы» АҚ

Баспасөз қызметі

+7 7172 797575, ішкі 2394

pr@khc.kz, www.khc.kz