«Sensata Construction»  ЖШС және «Sensata Build» ЖШС уәкілетті компаниясы Астана қаласында «Bestogai Qaragai» көппәтерлі тұрғын үй кешенінің (КТК) үлестік тұрғын үй құрылысын аяқтауға «Қазақстан Тұрғын үй Компаниясы» АҚ кепілдігін алды.

«Bestogai Qaragai» 7 кезек тұрғын үй кешені Астана қаласы, «Сарайшық» ауданы, Ахмет Байтұрсынұлы көшесі, 12/3 учаске мекенжайында орналасқан.

Құрылыстың 7-кезеңі – 9 және 12 қабаттан тұратын бес тұрғын үй кешенінен құралады.

Жоба бойынша пәтерлердің жалпы саны 234, оның ішінде:

– 1 бөлмелі – 95,
– 2 бөлмелі – 70,
– 3 бөлмелі – 58,
– 4 бөлмелі – 11.

Жобалық-сметалық құжаттама бойынша жайлылық класы – IV.

Еденнен төбеге дейінгі биіктігі 3 м.

Пәтерлер бастапқы әрлеу күйінде тапсырылатын болады.

Жобаны тұрғын үй және коммерциялық объектілердің құрылысы бойынша қызметті жүзеге асыратын «Sensata Construction»  ЖШС жүзеге асырады.

«Қазақстан Тұрғын үй  Компаниясы» АҚ
Баспасөз қызметі
+7 7172 797575, ішкі: 2550
pr@khc.kz, www.khc.kz