«Қазақстан Тұрғын үй Компаниясы» АҚ (ҚТК, «Бәйтерек» ҰБХ» АҚ еншілес ұйымы) алаңында «Қалаларды трансформациялау және аумақтарды кешенді дамыту негіздері» тақырыбында оқыту семинары өтті.

Бағдарламаның мақсаты – қала құрылысы саласындағы мамандардың құзыретін арттыру, аумақтарды орнықты және кешенді дамыту қағидаттарын енгізу, сондай-ақ мемлекеттік құрылымдар мен құрылыс саласының мамандары арасындағы өзара іс-қимылды нығайту.

Бағдарлама танымал қалалық сарапшылардың дәрістерін қамтыды және тұрғын үй архитектурасы мен дамуды реттеуден бастап көлік саясатына, тұрақты абаттандыруға және қалаларды басқаруда smart технологияларын қолдануға дейінгі көптеген мәселелерді қамтыды. Қазақстан Республикасының аумақтарын кешенді дамыту стандартын іс жүзінде қолдануға ерекше назар аударылды.

«ҚТК қала құрылысының жаңа мәдениетін қалыптастыруға ұмтылады, оның негізі әзірлеушілер, сәулетшілер және билік органдары арасындағы тұрақты және ашық диалог болып табылады. Бұл бағытта компания маңызды қадамдар жасады — ҚТК жанынан қалаларды кешенді зерттеумен айналысатын аумақтарды дамыту құзыреті орталығы құрылды, сондай-ақ кешенді құрылыс жобаларын қаржыландырудың жаңа тетігі іске қосылды», – деп атап өтті «ҚТК» АҚ Басқарма төрағасы Алтай Куздибаев.

Бағдарлама тәжірибе мен білім алмасу алаңына, сондай-ақ Қазақстанның жайлы және тұрақты қалаларын қалыптастырудың заманауи тәсілдерін дамытуға маңызды үлес қосатыны сөзсіз.

«Қазақстан Тұрғын үй  Компаниясы» АҚ
Баспасөз қызметі
+7 7172 797575, ішкі: 2550
pr@khc.kz, www.khc.kz