Астана қаласы 2023 жылғы 16 қараша
«Қазақстан Тұрғын үй Компаниясы» АҚ жеке жалға беру нарығын институттандыру жолындағы маңызды қадам болуға арналған коммерциялық нарық үшін жалға берілетін тұрғын үй стандарттарын әзірледі.
Әлеуметтік сауалнамаларға сәйкес, Қазақстандағы жалға берілетін тұрғын үйдің көлеңкелі нарығының үлесі өте жоғары. Тараптардың құқықтары мен міндеттері туралы хабардарлықтың әлсіздігі байқалады, пәтерлер көбінесе тиісті шарттар жасаспай жалға беріледі, жалға алушылар мен жалға берушілердің құқықтары қорғалмайды.
Әзірленген стандарттар жоғарыда аталған мәселелерді шешуге бағытталған, олар ұсынымдық сипатта болады, бірақ жеке жалға берілетін тұрғын үйді жалдау кезінде жүгіну қажет базалық шарттар мен үлгілік құжаттарды қамтиды.
Қатысушылар өз шығындарын азайтуға, жалға берілетін тұрғын үйді тиімді пайдалануға және жалға алушылар мен жалға берушілердің құқықтары мен міндеттерін сақтай отырып, қолайлы жағдайда өмір сүруге мүмкіндік алады.
Стандарттармен мына сілтеме бойынша танысуға болады
«Қазақстан тұрғын үй компаниясы» АҚ
Баспасөз қызметі
+7 7172 797575, ішкі 2394
Version for visually impaired