Қазіргі әлемде цифрландыру азаматтардың өмір сүру сапасын арттырудың маңызды құралына айналуда. Алайда, тұрғын үй-коммуналдық шаруашылық (ТКШ) саласы көппәтерлі тұрғын үйлерді (КТҮ) тиімді басқаруды қиындататын бірқатар күрделі мәселелерге тап болады. Олардың ішінде тұрғындардың белсенділігінің төмен деңгейін, басқару процестерінің ашықтығын, сондай-ақ заманауи технологияларды енгізуге жоғары шығындарды атап өтуге болады.

«Қазақстан Тұрғын үй Компаниясы» АҚ («Бәйтерек» ҰБХ» АҚ еншілес ұйымы, ҚТК) және «Управдом Казахстан» ЖШС өзара ынтымақтастық туралы Меморандумға қол қойды, оның мақсаты ТКШ цифрландыру деңгейін арттыру болып табылады. Бұл серіктестіктің негізгі жобаларының бірі бүгінгі күні айтарлықтай нәтиже көрсеткен «Управдом» қосымшасын енгізу болды.

«Управдом» қосымшасы ТКШ саласын цифрландыру, мүлік иелерінің бірлестіктері (МИБ), басқарушы компаниялар мен КТҮ тұрғындары арасындағы өзара іс-қимылды жақсарту мақсатында әзірленді.

«Управдом» қосымшасында коммуналдық қызметтерге онлайн режимінде ақы төлеуге, жөндеуге немесе абаттандыруға өтініш беруге, үйді басқару мәселелері бойынша онлайн дауыс беруге, оқиғалар немесе жоспарланған жұмыстар туралы жедел хабарламалар алуға болады.

Қызметтің айрықша маңызды функциясы онлайн МИБ құру болып табылады, оның ішінде МИБ төрағасын, үй кеңесінің мүшелерін және тексеру комиссиясын сайлауды өткізу болып табылады. Қол жинаудан бастап электрондық хаттаманы қалыптастыруға дейінгі барлық процестер автоматтандырылған. Бұл тұрғындардың жұмысын едәуір жеңілдетеді және үйді басқаруды ашық және тиімді етеді.

Бүгінгі таңда 3200-ден астам ҚТК жалға алушылары қосымшада тіркелген, ал Компания салған 35-тен астам ҚТК тұрғындары оның қызметтерін белсенді пайдаланады. Қолданбаны тегін жүктеп алуға болады және қазірдің өзінде елдің барлық аймақтарын қамтып отыр.

Алайда қосымшаның маңызды бастамаларының бірі пилоттық режимде өзінің тиімділігін көрсеткен «Қауіпсіз аула» жобасы болды.

«Управдом» серіктестік бағдарламасы аясында «Sergek Group» – пен бірлесіп ҚТК КТҮ-де бейнебақылау камералары орнатылды. Жүйе «көлеңкелі аймақтар» мен аула аумақтарын бақылап қана қоймайды, сонымен қатар әртүрлі бұзушылықтарға жедел әрекет етеді.

Жүйені енгізу нәтижелері әсерлі болды:

– Есірткі заттарын салу жағдайлары анықталды;

– Төбелес және басқа да жанжалды жағдайлар тіркелді;

– Ұрлық пен вандализм әрекеттерінің алдын алды.

Күдікті әрекеттер анықталған кезде жүйе автоматты түрде МИБ төрағасына немесе ІІМ Жедел басқару орталығына (ЖБО) хабарлама жібереді. Осының арқасында құзыретті органдар тұрғындардың қауіпсіздігін қамтамасыз ете отырып, оқиғаларға жедел әрекет ете алады.

ҚТК КТҮ-дегі пилоттық жоба жүйенің жоғары тиімділігін растай отырып, сәтті өтті. Алынған нәтижелер негізінде ҚТК басқаратын барлық үйлерде бейнебақылау камераларын одан әрі енгізу жоспарлануда.

Бүгінгі таңда Қазақстанда ҚТК бойынша жүзеге асырылған 407 тұрғын үй кешені бар,  оның 84-інде бейнебақылау камералары жоқ, ал 40-ында жүйесі ІІМ ЖБО-мен интеграцияланған, қалған нысандар бойынша жүйені енгізу жұмыстары жалғасуда. ҚТК барлық КТҮ-де бейнебақылауды қамтамасыз ету бойынша жұмысты жалғастыруға ниетті, бірақ бұл үшін тұрғындардың белсенділігі мен қызығушылығы талап етіледі.

Осылайша, «Қауіпсіз аула» жобасы қауіпсіздік мәселелерін шешіп қана қоймай, шағын аудандардағы әлеуметтік шиеленіс деңгейін төмендетеді, осылайша азаматтардың өмір сүруіне қолайлы жағдай жасай отырып, аулалардағы сенім мен жалпы мінез-құлық мәдениетін арттыруға ықпал етеді.