«Қазақстан Тұрғын Үй Компаниясы» АҚ (бұдан әрі – Компания) 2022 жылдың 1 маусымынан бастап үлестік тұрғын үй құрылысын аяқтауға кепілдік алуға өтінімдерді қабылдаудың онлайн қызметін іске қосады.
Құрылыс салушылардың ыңғайлығы және тұрғын үй құрылысына кепілдік алуға келген өтінімдерді қарастыруда ашықтықты қамтамасыз ету мақсатында Компания өтініштерді тек онлайн форматта қабылдайтын болады.
Өтінішті онлайн режимінде «Digital Baiterek» – Бірыңғай кәсіпкерлікті қолдау порталының https://digital.baiterek.gov.kz/ «Қызметтер» – «Құрылыстың аяқталуына кепілдік беру» бөлімінде беруге болады.
Өтінішті қарау мерзімі 20 жұмыс күнін құрайды.
Тұрғын үй құрылысын аяқтауға кепілдік беру қызметі туралы қосымша ақпаратпен осы жерде таныссаңыз болады.
Қосымша сұрақтар туындаған жағдайда құрылыс салушылар келесі телефон нөмірі арқылы хабарласса болады: 8 (7172) 79 75 75 іш. 2408 (Далматова Данира Қайыртенқызы).
«Қазақстан Тұрғын Үй Компаниясы» АҚ
Баспасөз қызметі
+7 7172 797575, іш. 2394
Version for visually impaired