Бұл жалпы ауданы 6 063 355 шаршы метрден құралған 68 702 пәтер.

Қазақстанда бүгінгі күні «Тұрғын үй құрылысына үлестік қатысу туралы» заңнамасына сәйкес құрылыс салушының үлескерлердің қаражатын тартуы тек үш жағдайда ғана мүмкін: Қазақстан Тұрғын ұй Компаниясының («Бәйтерек» ҰБХ» АҚ еншілес ұйымы, ҚТК) кепілдігін алған кезде, екінші деңгейдегі банктің жобасына қатысқан кезде және жергілікті әкімдіктің рұқсаты болған кезде.

«Қазақстан Тұрғын үй Компаниясы» АҚ кепілдік беру тетігін іске асыру бойынша құрылыс салушылармен және жергілікті атқарушы органдармен белсенді өзара іс-қимыл жасайды.

2017 жылдан бастап ҚТК 1,2 трлн теңге сомасына құрылысты аяқтауға 258 кепілдік берді. Бұл шара бүкіл Қазақстан бойынша 68 мыңнан астам үлескердің қаражатын қорғауға мүмкіндік берді.

Кепілдендірілген жобалардың ең көп саны Астанада – 130, Алматыда – 53, Шымкентте – 26 жоба шоғырланған. Қостанай облысында – 7, Шығыс Қазақстан облысында-5, Ақтөбе облысында – 3, Атырау облысында – 6.

Кепілдік беру объектілері туралы толық ақпарат, оның ішінде салынып жатқан объектілер бойынша кепілдік беру туралы шарттардың тізілімі, тұрғын үй кешендері бойынша құрылыс барысы компанияның сайтында www.khc.kz «Жеке тұлғаларға» («үлескерлерге») бөлімінде ұсынылғанын еске саламыз. Тұрғын үй кешендері туралы бұл ақпаратты барлық болашақ сатып алушылар тексеруі керек.

Бұдан басқа,үлескерлердің қаражатын тартуға компанияның тиісті рұқсаты немесе кепілдігі бар елдегі үлестік құрылыстың барлық объектілері туралы ақпаратты тұрғын үй порталының көмегімен тексеруге болады www.homeportal.kz. Бұл ақпарат азаматтарға үй салу үшін құрылыс салушыны таңдауға неғұрлым салмақты көзқараспен қарауға мүмкіндік береді.

Айта кету керек, 2024 жылы ҚТК Атырауда тұрғын үй кешенінің құрылысын сәтті аяқтады, ол бойынша 2023 жылы үлестік құрылыс шеңберінде алғашқы кепілдік жағдайы жарияланды. Құрылыс салушы үйді мерзімінде пайдалануға бере алмай, объектінің құрылысын өз бетінше аяқтаған ҚТК кепілдігін пайдаланды. Жоба аясында 150 пәтер тапсырылды, бизнес-класс үйінің барлық техникалық сипаттамалары сақталды.

ҚТК арқылы тұрғын үй құрылысына үлестік қатысуға кепілдік беру жүйесін енгізу азаматтардың мүдделерін қорғауға және Қазақстанда құрылыс саласын дамытуға ықпал ете отырып, елеулі артықшылықтар береді, бұл өз кезегінде елдің экономикалық және әлеуметтік дамуына ықпал етеді.