Кездесу барысында кешенді құрылыс жобаларын қаржыландыру мүмкіндіктері талқыланды,  энергияны тиімді қолдану және «жасыл» технологияларды пайдалана отырып инфрақұрылымды дамытуға (мектеп, балабақша, халықтың мобильділігі төмен топтары үшін жағдай жасауға) басты назар аударылды.

GIZ Германиядағы, Польшадағы және Балтық елдеріндегі тұрғын үйді қайта құру жобаларындағы тәжірибесі туралы айтып, экономикалық тиімділікті арттыру үшін қайта құрудың стандартталған тәсілдерін алға тартты.

Мұндай өзара іс-қимыл халықтың өмір сүру сапасын жақсартуға және экологиялық қауіпсіз инфрақұрылымды құруға ықпал ете отырып, Қазақстанда тұрғын үй құрылысының тұрақты дамуын нығайта түспек.