Сатып алу құқығымен жалға берілетін тұрғын үй
Бағдарламаның шарттары
Тұрғын үй-коммуналдық инфрақұрылымды дамытудың 2023-2029 жылдар тұжырымдамасы шеңберінде (2022 жылғы 23 қыркүйекте №736 бекітілген) «Қазақстан Тұрғын үй Компаниясы» АҚ сатып алу құқығымен жалға берілетін тұрғын үйді ұсыну жөніндегі бағытты іске асыруды жалғастыруда.
Сатып алу құқығымен жалға берілетін тұрғын үй жергілікті атқарушы органдардың кезекте тұрғандарына және тиісті келісімдер жасалған мемлекеттік/ мемлекеттік емес заңды тұлғалардың қызметкерлеріне мынадай шарттарда өткізіледі:
- Сатып алу құқығымен жалдау мерзімі-20 жылға дейін;
- Бастапқы жарнасыз;
- Табыс жеткіліксіз болған кезде кепілгерлерді тарту мүмкіндігі;
- Жалға алу мерзімі өткеннен кейін тұрғын үй жалға алушының меншігіне өтеді;
- Жалға алу мерзімі аяқталғанға дейін тұрғын үйді мерзімінен бұрын сатып алуды жүзеге асыру мүмкіндігі.
Бағдарламаға қатысушылар ұсынатын құжаттар тізбесі
Сатып алу құқығымен жалға беру бағдарламасы шеңберінде сату үшін тұрғын үйі болған жағдайда, «Қазақстан Тұрғын үй Компаниясы» АҚ үміткерлердің тізімдерін қалыптастыру үшін ынтымақтастық туралы тиісті келісімдер жасалған мемлекеттік/мемлекеттік емес заңды тұлғаларға хат және өткізілетін тұрғын үй бойынша ақпарат жібереді.
Мемлекеттік/ мемлекеттік емес заңды тұлғалармен жұмыс нәтижелері бойынша қалыптастырылған тізімдер төлем қабілеттілігін айқындау үшін «Қазақстан Тұрғын үй Компаниясы» АҚ-ға жіберіледі.
Бағдарламаға қатысушылар арасында тұрғын үйді бөлу «Қазақстан Тұрғын үй Компаниясы» АҚ сайтында автоматтандырылған режимде жүзеге асырылады, онда қатысушылар тұрғын үйді (пәтерлерді) таңдауды және брондауды өз бетінше жүзеге асырады.
Жиі қойылатын сұрақтар
Сұрақтар және жауаптар
Кепілгерді алып тастауға өтініш«Қазақстан Тұрғын үй Компаниясы» АҚ пайдасына төлемдерді қабылдайтын агент-банктердің тарифтері
| Агенттің атауы | ЕДБ филиалдары (қолма-қол ақша) | Өзіне-өзі қызмет көрсету құрылғыларының желісі (қолма-қол ақшасыз төлем) |
«Kaspi.kz» АҚ Қосымша арқылы | қарастырылмаған | мобильді и интернет банкинг – 0,00 теңге; өзіне-өзі қызмет көрсету терминалы – 0,00 теңге |
| «Қазақстан Халық Банкі» АҚ | 0,3%, минимум 250 теңге | Банк белгілеген тариф бойынша |
| «Банк Центр Кредит» АҚ | 150 теңге | Starbanking/банкоматтар/терминалдар: – қолма-қол ақшаны пайдалану – 70 теңге, – қолма-қол ақшасыз – 50 теңге |
| «ForteBank» АҚ | қарастырылмаған | мобильді және интернет-банкинг – 0,00 теңге; өзіне-өзі қызмет көрсету терминалы – 100 теңге |
| «Казпочта» АҚ | 230 теңге | 230 теңге |
Жалға алу арқылы сатып алуды өтеу үшін шарттар:
Ішінара мерзімінен бұрын өтеу кезінде
- Клиент ҚТК-на мерзімінен бұрын өтеу сомасын көрсете отырып, белгіленген үлгідегі анықтамамен жүгінуі керек.
- Өтінім жіберілген күні көрсетілген соманы шотыңызға салыңыз.
- Несие менеджерінің қоңырауынан кейін жаңа төлем кестесіне қол қою үшін Компанияның кеңсесіне барыңыз.
Толық мерзімінен бұрын өтеумен.
- Клиент толық өтеу сомасын, сондай-ақ өтінішті өңдеу сомасын көрсетуі керек.
- Жеке шотыңызға ақша салыңыз.
- Белгіленген нысан бойынша ҚТК-на өтініш беріңіз.
- Несие менеджерінің қоңырауынан кейін жылжымайтын мүлікке құқық белгілейтін құжаттарды алу үшін Компанияның кеңсесіне барыңыз.
Толық мерзімінен бұрын және ішінара мерзімінен бұрын өтеуге барлық өтініштер info@khc.kz электрондық поштасы арқылы қабылданады.
Проблемалық қарызды реттеу шаралары
- Қарызды реттеу шарттары мен тәртібі және төлемге қабілетсіз қарыз алушыға/жалға алушыға/сатып алушыға қатысты қолданылатын шаралар
Міндеттемелер бойынша мерзімі өткен қарыз пайда болған жағдайда қарыз алушы/жалға алушы/сатып алушы қарызды қайта құрылымдау туралы өтінішпен Компанияға жүгінуге құқылы.
Төлемін бөліп төлей отырып, жылжымайтын мүлікті сатып алу-сату шарттары/сатып алумен жалдау шарттары бойынша мерзімі өткен қарызды қайта құрылымдау келесі тәсілдермен жүзеге асырылады:
- жалдау шарты бойынша міндеттемелерді орындауды кешіктіргені үшін есептелген өсімпұлды есептен шығару;
- жалдау төлемдері бойынша қарыздың амортизациясы;
- жалдау төлемдерін енгізуді кейінге қалдыру;
- кепілдік жарнаны қалпына келтіру мерзімін өзгерту;
- дауды (жанжалды) медиация тәртібімен реттеу туралы келісім жасау.
Ипотекалық шарттар бойынша мерзімі өткен қарызды қайта құрылымдау келесі тәсілдермен жүзеге асырылады:
- мерзімі өткен қарызды 3 айдан 36 айға дейін немесе шарттың қолданылу мерзімі аяқталғанға дейін амортизациялау;
- төлемді кейінге қалдыру жолымен қарызды қайта құрылымдау;
- борыштық міндеттемелерді өзгеге беру/меншік құқығын қайта ресімдеу;
- проблемалық қарыз бойынша талап ету құқықтарын үшінші тұлғаларға беру;
- проблемалық қарыздар бойынша өсімпұлдарды есептеу/сторнирлеу/есептен шығару;
- Қазақстан Республикасының заңнамасында және Компанияның ішкі құжаттарында тыйым салынбаған проблемалық қарыздарды қайта құрылымдаудың өзге де әдістері.
- Қарыз алушы/жалға алушы/сатып алушы талаптарды орындамаған жағдайда Компания қолданатын шаралар
Қазақстан Республикасының қолданыстағы заңнамасының нормаларына және шарттардың талаптарына сәйкес қарыз алушы міндеттемелерін орындамаған және/немесе тиісінше орындамаған жағдайда белгіленген тәртіпте Компания:
- атқару жазбасын жасау үшін нотариусқа жүгінуге;
- шартты бұзу, қарызды өндіру және жалға алушыны (және онымен бірге тұратын адамдарды) тұрғын үйден шығару туралы талап арызбен сотқа жүгінуге;
- қарызды өтеу үшін қарыз алушының кез келген банктік шоттарынан ақшаны акцептсіз және даусыз алуды жүзеге асыруға;
- Қазақстан Республикасының заңнамасында және (немесе) шарт талаптарында көзделген кез келген шараларды қолдануға, оның ішінде шартты орындау талаптарын өзгертуге, шарт бойынша берешек сомасын өндіріп алу туралы сотқа талап қоюға; сондай-ақ кепілге салынған мүліктен өндіріп алуды соттан тыс тәртіпте (Қазақстан Республикасының жылжымайтын мүлік ипотекасы туралы заңнамалық актісінде көзделген жағдайларды қоспағанда) немесе сот тәртібімен жүзеге асыруға құқылы.
Version for visually impaired