Негізгі шарттар:

• Қарыз валютасы — теңге;
• Қарыз бойынша сыйақы мөлшерлемесі — субсидиялау туралы шешім қабылданған күні қолданыста болған Қазақстан Республикасы Ұлттық Банкінің базалық мөлшерлемесі деңгейінен 4 (төрт) пайыздан аспайтын мөлшерлеме (сыйақының өзгермелі мөлшерлемесі үшін) немесе субсидиялау туралы шешім қабылданған күні қолданыста болған TONIA (Tenge Over Night Index Average) мөлшерлемесі деңгейінен 4 (төрт) пайыздан аспайтын мөлшерлеме (сыйақының өзгермелі мөлшерлемесі үшін);
• Субсидияланатын сыйақы мөлшерлемесінің мөлшері — қарыз бойынша сыйақы мөлшерлемесінің 10%-дан асатын бөлігі бюджет қаражаты есебінен субсидияланады. Қарыз алушы 10%-ға дейінгі және 10%-ды қоса алғандағы сыйақы мөлшерлемесін төлейді;
• Субсидиялау мерзімі — 20 жылға дейін қоса алғанда. Бір жоба шеңберінде қарыздарды субсидиялау туралы бірнеше шарт жасалған жағдайда, субсидиялаудың жалпы мерзімі қаржы агенті бірінші қарыздарды субсидиялау туралы шартқа қол қойған күннен бастап белгіленеді;
• Субсидиялау екінші деңгейдегі банктердің, «Қазақстанның Даму Банкі» АҚ-ның және халықаралық қаржы ұйымдарының қарыздары бойынша жүзеге асырылады;
• Субсидиялардың жалпы көлемі қарыз бойынша негізгі борыш сомасынан аспауға тиіс;
• Субсидиялар қаражаты тек құрылыс-монтаждау жұмыстарын, жобаны басқаруға арналған шығындарды, авторлық және техникалық қадағалау қызметтерін және жобалау-сметалық құжаттамада көзделген өзге де шығындарды төлеуге пайдаланылатын қарыздар бойынша сыйақыны өтеуге беріледі.

Өтінімге қоса берілетін құжаттар:

1. Субсидия алуға арналған өтініш-сауалнама;
2. Іске асырылатын жобаның сипаттамасы (жобаның құрылысқа арналған рұқсат беру құжаттамасын, бизнес-жоспарын, сатып алу-сату шарттарын және т.б. қоса бере отырып, еркін нысанда қалыптастырылады);
3. «Қазақстандық тұрғын үй-коммуналдық шаруашылығын жаңғырту және дамыту орталығы» АҚ-ның оң қорытындысы;
4. Қазақстан Республикасы Ұлттық экономика министрлігінің Табиғи монополияларды реттеу комитетінің тарифтің өсуі мәселесі бойынша оң қорытындысы;
5. «Бәйтерек» ҰИХ» АҚ-ның қаржыландыру тетігін айқындау туралы шешімі;
6. Жобаны іске асыру үшін кредит беру мүмкіндігі туралы оң шешімі бар БВУ-дың (МҚҰ, БРК) хаты, қабылданған оң шешім туралы хаттама үзіндісін қоса бере отырып;