Маңызды! «ҚТК» АҚ кепілдігін алуға өтінім тек қана «Тұрғын үй порталы» ақпараттық жүйесі арқылы онлайн режимде, делдалдардың қатысуынсыз қабылданады.
Кеңес алу үшін +7 7172 79 75 75 телефонына қоңырау шалыңыз.
Заңды тұлғаларға арналған бірыңғай байланыс орталығының нөмірі - 1408.
2025 жылғы 31 тамыздан бастап Тұрғын үй құрылысына үлестік қатысу туралы Заңға үлестік құрылыс тетігін жетілдіруге бағытталған түзетулер күшіне енді.
«ҚТК» АҚ кепілдігінің мақсаты – құрылыс кезеңінде үлескерлердің қаражатын тарту есебінен, оның ішінде ЕДБ, «Отбасы Банк» АҚ ипотекалық бағдарламалары бойынша және азаматтардың зейнетақы жинақтары есебінен сатуды бастау.
Комиссия – 300 АЕК (жобаны қайта қарау кезінде 150 АЕК).
Кепілдік жарнаның мөлшерлемесі – 0-ден 1%-ға дейін.
Мөлшерлеме Уәкілетті компанияның жобадағы жеке қатысуының нысаны мен көлеміне байланысты белгіленеді:
Меншік иесінің қатысу нысаны |
Меншік иесінің қатысу мөлшері |
Кепілдік жарнаның мөлшерлемесі |
Аяқталмаған құрылыс |
25% - ға дейін |
1% |
25% - дан жоғары 50% - ға дейін |
0,75% |
|
50% жоғары |
0,5% |
|
Ақшалай қаражат |
10% дан |
1% |
Жобаны республикалық маңызы бар қалалардан тыс жерлерде іске асыратын Құрылыс салушыға бірінші кепілдік беру кезінде - 0% (уәкілетті компанияның жеке қатысу шарттары орындалған жағдайда).
Өтінімді қарау мерзімі – 20 жұмыс күн.
Сараптама кезінде өтінім 10 жұмыс күні мерзімге пысықтауға жіберілуі мүмкін, бұл ретте өтінімді қарау мерзімі тоқтатыла тұрады.
Модерация: Құрылыс салушы және Уәкілетті компания құжаттардың, оның ішінде инжинирингтік компанияның құжаттарының толықтығын тексеруге (модерациялауға) өтінім бере алады.
Модерация мерзімі – 5 жұмыс күн. Қызмет тегін көрсетіледі.
