2026 жылғы 22 сәуірде Өскемен қаласында «Атамекен» ҰКП алаңында «Қазақстан Тұрғын үй Компаниясы» АҚ (ҚТК, «Бәйтерек» ҰИХ» АҚ-ның еншілес ұйымы) «Қазақстан құрылысшылар одағы» ЗТБ-мен бірлесіп, Шығыс Қазақстан облысы әкімдігінің қолдауымен өңірлік құрылыс салушылармен жұмыс кездесуін өткізді.
Кездесу барысында ҚТК өкілдері Шығыс Қазақстан облысының құрылыс саласын ынталандыруға бағытталған шаралар кешенін таныстырды. Әсіресе үлестік қатысуға кепілдік беру, аз қабатты және кешенді құрылысқа жеңілдетілген қаржыландыру, сондай-ақ сатып алу құқығымен жалға беру бағдарламасы мен «Орда Аймақ» өңірлік ипотекалық бағдарламасы сияқты құралдарға ерекше назар аударылды.
Сондай-ақ өңірдегі ағымдағы жағдайды талдауға жеке назар бөлінді. ҚТК деректеріне сәйкес, бүгінгі таңда Шығыс Қазақстан облысында үлескерлердің қаражатын заңды түрде тартуға бар болғаны 7 тұрғын үй нысаны ғана құқылы. Оның ішінде 2 нысан ҚТК кепілдігімен, 2 нысан әкімдіктің рұқсаты негізінде, ал 3 нысан екінші деңгейлі банктердің тетіктері арқылы жүзеге асырылуда. Осыған байланысты Компания өкілдері құрылыс салушыларды жобаларды «көлеңкелі» аймақтан белсенді түрде шығаруға шақырып, заң талаптарын айналып өту халық үшін тәуекелдер тудырып қана қоймай, өңірдің бүкіл құрылыс саласының дамуын тежейтінін атап өтті.
Кездесу кредиттеу мәселелері мен жобалық құжаттаманы дайындау бойынша жеке консультациялар сессиясымен аяқталды. ҚТК-ның өңірлерге осындай жұмыс сапарлары тұрғын үй нарығының ашықтығын арттыруға және құрылыс саласындағы адал қатысушыларды қолдауға бағытталған.
