«Rapid Building» ЖШС және уәкілетті компания «ONER Build» ЖШС «Shyrai Residence» көппәтерлі тұрғын үй кешенінің құрылысын аяқтауға «Қазақстан Тұрғын үй Компаниясы» АҚ-ның («Бәйтерек» ҰИХ» АҚ еншілес ұйымы) кепілдігін алды. Тұрғын үй кешені Шымкент қаласы, Абай ауданы, 189 орам, 194/1 жер телімі мекенжайында орналасқан.
«Shyrai Residence» ТК жобасы кіріктіріліп-жапсарлас салынған үй-жайлары бар 12 тұрғын блок-секциядан тұратын көппәтерлі тұрғын үй кешенінің құрылысын көздейді. Пәтерлердің жалпы саны – 507, оның ішінде:
- 1 бөлмелі — 254,
- 2 бөлмелі — 120,
- 3 бөлмелі — 122,
- 4 бөлмелі — 11.
Жобалық-сметалық құжаттамаға сәйкес тұрғын үй кешенінің жайлылық класы – IV.
Төбенің биіктігі – 3 метр.
Пәтерлер бастапқы әрлеумен тапсырылады.
Жобаны тұрғын және коммерциялық нысандар құрылысымен айналысатын «Rapid Building» ЖШС жүзеге асыруда.