Президентке холдингтің 2023 жылғы қызметінің нәтижелері және ағымдағы жылы стратегиялық бағыттарды жүзеге асыру жоспары таныстырылды.
Рустам Қарагойшинның айтуынша, холдингтің бизнесті қолдауға қосқан жалпы үлесі шамамен 2,5 трлн теңгені құрады. Болашақта экономикасының сапалы және тұрақты дамуын қамтамасыз ету мақсатында «Байтерек» өсім нүктелерін кешенді қаржыландыруға, оның ішінде ауыл шаруашылығы, өңдеу өнеркәсібі, инфрақұрылым, көлік және логистика, сондай-ақ тұрғын үй құрылысына басымдық беруге ниетті.
Касым-Жомарт Тоқаевқа бәсекеге қабілетті кәсіпкерлерді қолдау және дамыту шараларын жүзеге асыру жоспары туралы да хабарланды. Маңызды мақсат – Қазақстанның барлық өңірлерінде шағын, орта және ірі бизнес жобаларын қаржыландыруды кеңейту. Шағын және орта кәсіпкерлікте шағын қалаларда, бір салалы қалаларда және ауылдық жерлерде кәсіпкерлерді белсенді қолдау қарастырылған.
Мемлекет басшысы осы бағыттардағы жұмысты жандандырудың маңыздылығын атап өтті және тапсырмаларды жүйелі түрде жүзеге асыру экономика мен азаматтардың әл-ауқатын жақсартуда айтарлықтай нәтижелерге қол жеткізуге мүмкіндік беретінін айтты.