«ҚЖК» АҚ кепілдігі реновациялау жобаларына деген сенімді арттыруға және құрылыс салушылар мен ескірген және авариялық тұрғын үйлердің тұрғындары арасында сындарлы келіссөздер процесін құруға бағытталған. Механизм құрылыстың аяқталуына және қатысушылардың құқықтарын қорғауға кепілдік береді.

Бұл ретте ескірген және авариялық тұрғын үй иелері "бөлме үшін бөлме" қағидаты бойынша жаңа тұрғын үй ала алады, ал құрылыс салушылар – құрылыс кезеңінде, оның ішінде ЕДБ, «Отбасы банк» АҚ ипотекалық бағдарламалары бойынша және азаматтардың зейнетақы жинақтары есебінен қаржыландыруды тарта алады.

Құрылыс салушы және уәкілетті компания Бірыңғай оператормен реновациялау шеңберінде шарттар жасау үшін:

• кепілдік шеңберінде реновациялау туралы шарт жасауға өтінім (бұдан әрі – реновациялау туралы шарт);
• реновациялау шеңберінде үлестік қатысу бойынша кепілдік беру туралы шартқа (бұдан әрі – реновациялау шеңберіндегі кепілдік беру туралы шарт) (Бірыңғай оператордың қосылуы) өтінімдер береді.

Реновациялау шеңберіндегі кепілдік беру туралы шартқа (Бірыңғай оператордың қосылуы) өтінім тек Бірыңғай оператор, құрылыс салушы және уәкілетті компания арасында реновациялау туралы шарт жасалған жағдайда беріледі.

Комиссия – 300 АЕК (жобаны қайта қарау кезінде 150 АЕК).
Комиссия реновациялау туралы шарт жасасуға өтінім берген кезде біржолғы төленеді.

Кепілдік жарнаның мөлшерлемесі – 0-ден 1%-ға дейін.

Мөлшерлеме уәкілетті компанияның жобаға қатысу нысаны мен үлесіне байланысты есептеледі.

Жобаны республикалық маңызы бар қалалардан тыс жерлерде іске асыратын Құрылыс салушыға бірінші кепілдік беру кезінде - 0% (уәкілетті компанияның жеке қатысу шарттары орындалған жағдайда). 

Өтінімді қарау мерзімі – 20 жұмыс күні.

Сараптама кезінде өтінім мерзімімен пысықтауға жіберілуі мүмкін 10 жұмыс күніне, бұл ретте өтінімді қарау мерзімі тоқтатыла тұрады.